Ni Jyanne Ronielle B. Viernes
Sa larangan ng shooting sports, kakaunti ang mga pangalan na kasinglakas ni Axel T. Rimalos at Rod Lexis T. Rimalos, isa sa pinakabatang manlalaro dito sa Ilocos Norte. Kilala sa kanilang husay sa shooting range, kamakailan lang nang ipinamalas nila ang kanilang kakayahan nang sumabak sila muli sa shooting arena ng paligsahan sa 5th Mayor Nico Cup (Shootfest), isang tampok para sa pagdiriwang ng Bac-Bacarra Festival sa kasalukuyang taon.
Sa masiglang barangay ng 19-A Tambidao, Bacarra, ipinamalas ni Axel at Lexis ang kanilang matalim, mabilis, at dinamikong kakayahan. Pinatunayan ni Lexis ang kaniyang kakayahan sa ganap na ito bilang kampeon sa mga nasalihang prestihiyosong kompetisyon. Nagdagdag ng isa pang karangalan sa kaniyang husay sa listahan, kamakailan lamang ay kinampeon ni Lexis ang 5th Mayor Nico Cup. Sa katunayan, nagharap ang magkapatid sa pagkamit sa pagiging kampeon sa nasabing ganap.
“Hangad ko ang makapaglaro sa mga internasyonal na kompetisyon, kaya’t nagsisikap akong pahusayin ang aking kakayahan,” bahagi ni Lexis. Dahil sa matibay na pagmamahal sa larong ito, ipinaabot naman ni Axel, “Bagamat ang aming pangunahing interes ay nasa paglalaro lamang, buong puso naming tatanggapin ang pagkakataon na magpakita pa ng higit pa kung ito’y ibibigay sa amin.”
Ang paglalakbay nila ay naglalarawan ng kanilang dedikasyon at kasanayan, humahalimuyak palayo sa mga gusali umaakyat sa mga entablado. Ang kanilang pagiging manlalaro ay lumalampas sa linya ng shooting sports. Bilang karagdagan sa kanilang kahusayan, hindi kuntento sa pagiging namumukod-tanging mga mag-aaral, nakakuha din sila ng mga parangal sa akademiko na nagpapakita ng kanilang dedikasyon sa mga gawaing intelektwal. Ang kanilang pagkauhaw sa kaalaman ang nagbukod sa kanila bilang isang tunay na kampeon.
Tinanggap ni Lexis ang papel ng isang mananaliksik, na nagsaliksik sa mga kaalaman upang mag-ambag ng mahahalagang pananaw sa kaniyang pag-aaral. Nagdaragdag ng isa pang dimensyon sa kanilang mga tagumpay, ginagampanan nila Axel at Lexis ang mga tungkulin ng isang photojournalist at layout artist para sa kanilang paaralan. Sa pamamagitan ng lens ng kanilang kamera at ang malikhaing pag-aayos ng mga biswal na elemento, nakukuha nila hindi lamang ang katumpakan ng isang shooter kundi pati na rin ang mga makulay na kuwento na lumaganap sa loob ng komunidad ng paaralan.
Sa matunog na karunungan ng Rimalos brothers, isang pagsasanib ng husay nila bilang atleta at mag-aaral, binitawan ni Lexis ang mga salitang, “Don’t compete with others, compete with yourself.” Ito ay tumatayo bilang isang gabay na prinsipyo para sa mga nagpapanday ng kanilang sariling mga landas tungo sa tagumpay. Pinapatunayan nila na ang mga pinakatunay na tagumpay ay ang mga personal na hamon na nasugpo, na nagbibigay-diin na ang ang pinakamalalim na tagumpay ay nagaganap kapag ating nalalampasan ang ating sariling mga limitasyon.
Bagwis 